Молитва заключенного Иоанну Предтече

Предтече и Крестителю Христов Иоанне, проповедниче покаяния! Ты неповинно всажден был ecu в темницу. Аз же, вверженный в злоключение сие, достойное по делом моим приемлю, яко преступник правды и закона. Всели в мое сердце чувство покаяния о гресех моих! Несть бо не единыя злобы, не беззакония, их же аз, окаянный, не содеях; престрашны греси мои. Учителю правды! Научи мя право глаголити о мне самом пред судиями. Не преставаяй и в темнице обличати беззаконнаго Ирода, даруй ми, да наипаче зде обличает мене совесть моя, да от обличений ея не возмогу на долзе времени утаити мое преступление. Аще же осужден буду понести наказание, даруй ми быти терпеливу яко же ты сам терпеливно несл ecu усекновение главы твоея, желанное от Иродиады. Ей, Крестителю Христов! Простри ми, рабу Божию, руку, крестившую Христа Спасителя моего, да мя излечеши из глубины погибели.

Ты ecu больший всех в рожденных женами, ты ecu первый по Богородице праведник между человеки. Сего ради прибегаю к тебе аз, имеяй потребу в велицем ходатае, яко велик есмъ грешник. Убо и да осенит мене, недостойнаго, благодать твоя, Предтече Господень.